- M Pauminsang Guite
Thumapi:
Tuni tan in sing sawmnih leh khat val ding i SSPPNet tungtawn ah laikhak omta hi. SSPPNet masa ah, member tamzaw te dai dide uhi. May, June, July 2008 leh January 2009 sung kigawmin mi 129 ten a ngaihdan genkhia ua, a kigawm in SSPPNet zangte lak a 22 per cent vel ngaihdan khong phazou hi. Huai lakah akimkhat valzekte Delhi apan ngen hi ua, azom in Northeast, khopi dangte leh gamdang apan ahi uhi. Figure 1 (abem) pen ah kichiansem ding hi. Hiai teng lak ah, siamsinlai (students) te 8% kialel ten angaihdan uh kum uhi.
SSPPNet sutzop leh puahthakna pen ah member sehthum-suah-sehkhat kia in zomlai mahleh uh, Table 3na apan i etleh SSPPNet member hilailai te ding in niteng a i mail Inbox ah [SSPPNet] chih a kipan mail ana omzah kibang piansim veve hi. SSPPNet Masa apan SSPPNet Thak ah ngaihdan kikumkhia (a pawt lam) tamzah kidang tuanlou in om hi. Himahleh, ngaihdan kikumkhiate a ngaikhia, sim or entute (a tungna lam) nasatakin kiamhut ahihmanin, a ngaikhetu ding tawmzaw lam in kipai a, thuhoih kikup a omte kithehzak tawmsem ding ahihna ah, i Pawlpi group in kiamlam nawt chihna suak hi.
Khovel kithuzaktuahna kintakin khangtou zungzung a, Lamka khopi tan ah leng nuamtak leh baihsamtaka zat ding internet
(net) tuasang
a kiningching sem hong om pah ding hi. Hiai in i kizoptuahna leh khosak
paidan uh naaktakin honkhek ding hi. Thu-leh-laa tamvaaltak ahun (moment)
geihgeih phiala i zak, sim leh gintaak senglouh leh amhuai thei di khop
in hon tuampah ding ahihmanin, a theikha nailou ten leng, "SSPPNet
banga?" chi pahta ding i hi.
Hiai bang
dinmun maituah dia i kisak lai in, kum 9 phial paita a, Siamsinpawlpi in
a pat leh zuuntouh den, 'Siamsinpawlpi Group' or 'SSPPNet' kichi, tup
hoihtak nei a bawlkhiat himahleh, tuni chiang in a tup apan lampial hun
tamin i Pawlpi leh siamsinte deihsakna thukup tawm mahmah ahihdan
laigelh suina a taklat sawm i hi. Huaibanah, i Pawlpi-a lou net tungtawn
a kikup theihna dangte hongtam dungzui in, i 'SSPPNet' uh poimohna
dengdel tak dinmun a om in maban ah hahkat taka zuuntouh leh poimohngaih
semsem tuak ahihdan, 'SSPPNet Masa' leh 'SSPPNet Thak' tehkak na apan
SSPPNet dinmun, hiai laigelh in a suikhiat tup ahi.
SSPPNet Masa:
2001 March 21, in Siamsinpawlpi Group pen General Headquarters deihna
bang in Pu PH Laldawnglian, Ex-President, SSPP Delhi, malakna toh Yahoo!
zanga patkhiak leh tuni tan in Siamsinpawlpi Delhi etkai in om hi. Ana
enkai (moderator) phattuamngai taka sum, tha leh lungsim tampi
ana sengte pahtak huai mahmah uhi. A kigelh bang in a kibawlkhiak nasan
leh a tup ahihleh,
SSPPNet Thak:
Aloutheilou dinmun ziakin SSPPNet masa pen koihdap in, 2009 June 16th
ni in SSPP-JHQ Delhi panlakna mah in SSPPNet Thak a sutzop in om nawn
hi. SSPPNet masa pen a member tengteng kiang ah nihvei viz. 2009 May
17ni leh June 4 ni te in SSPPNet thak pat ding thu leh kingetna lai
pethak vek ding in theisakna bawl in om hi. SSPPNet Masa a member hisa,
a lunglut lai teng in ngetna pelut nawn in SSPPNet Thak ah sutzop touh
in om hi.
I SSPPNet phattuam dan hiai ah tomkim leh kilawmtak in hiai bang in khat in ana gelh hi.
"...Khanglui lai a pasal hon haam/zawlbuk a giakkhawmte sa-leh-gal ah hiin a genthei leh liangvaite’ adia panpihtu ahih zel mahbangun tu in eileng mun khatah kilawikhawm in taksa a mun gamla taktak a om himahtaleng zong vannuaizom (internet) in iki kankhawm ua- i awlmoh thute kikumin, genkhawm/sa khawmin i om thei - loupi petmah ka sa..." Upa Khamkhanpau Guite.
"...Khanglui lai a pasal hon haam/zawlbuk a giakkhawmte sa-leh-gal ah hiin a genthei leh liangvaite’ adia panpihtu ahih zel mahbangun tu in eileng mun khatah kilawikhawm in taksa a mun gamla taktak a om himahtaleng zong vannuaizom (internet) in iki kankhawm ua- i awlmoh thute kikumin, genkhawm/sa khawmin i om thei - loupi petmah ka sa..." Upa Khamkhanpau Guite.
Thukup Pansanna leh Hunsung:
Hiai laigelh in, ka e-mail (sang_guite[a]yahoo.co.in) Inbox a honglut, SSPPNet masapen a 2008 kum a May, June & July kha te, January 2009 khate leh SSPPNet Thak a June 16, 2009 apan December 17, 2009 kikal sung a thukikup khiakte pansan ahi. Huaiban ah, Siamsin Directory 2008 (unpublished) adia 2007 kum tawplam a Questionnaire zang a ngaihdan laakkhawmna leng pansan ahi. Hiai laigelh in a suina hunsung a forward mails, local news eg. Dew, Ka Thaitong, Lengtong, Ngeisok, Phualva, Siamsin Bulletin etc. leh notice (SSPP toh kisailoute) teng leng khiitkhiak leh telsaklouh ahi.
Hiai laigelh in, ka e-mail (sang_guite[a]yahoo.co.in) Inbox a honglut, SSPPNet masapen a 2008 kum a May, June & July kha te, January 2009 khate leh SSPPNet Thak a June 16, 2009 apan December 17, 2009 kikal sung a thukikup khiakte pansan ahi. Huaiban ah, Siamsin Directory 2008 (unpublished) adia 2007 kum tawplam a Questionnaire zang a ngaihdan laakkhawmna leng pansan ahi. Hiai laigelh in a suina hunsung a forward mails, local news eg. Dew, Ka Thaitong, Lengtong, Ngeisok, Phualva, Siamsin Bulletin etc. leh notice (SSPP toh kisailoute) teng leng khiitkhiak leh telsaklouh ahi.
Siamsinpawlpi Groupte a Member zah:
SSPPNet Masa pen khak ahihtan in member 589 pha man a, kha guk a painung inle SSPPNet thak pen ah 66% in zom nawnlou uhi. Khenkhatte bel email nih val a member hikha ahihkeileh e-mail si (zangnawnlou) omte ziak ahi ding. Himahleh, tu khovel changkang semsem dinmun ah, Net zom leh zang tam semsem lai in, hichituka member a kiamhut tel, khanlam nawt zaw kihilou himhim ahi. Ngaihtuah tham ching khat ahihleh SSPPNet thak patzoh kha li nung, 2009 October kha tawpa, mimal in a pat, Facebook a 'Siamsinpawlpi' Group ah member 290 val phatou zou pah mawk zel hi. Hiailou, 2007 January a Orkut ah member 329 vel pha lai hi. Facebook leh Orkut memberte bel khangthak hitangpi ua, thukikupna bel SSPPNet banglouin vaang mahmah zel hi. Bangteng hileh, i Pawlpi toh kisai ah a neu alian kilunglut ahihdan chiangtakin alang hi.
SSPPNet Masa pen khak ahihtan in member 589 pha man a, kha guk a painung inle SSPPNet thak pen ah 66% in zom nawnlou uhi. Khenkhatte bel email nih val a member hikha ahihkeileh e-mail si (zangnawnlou) omte ziak ahi ding. Himahleh, tu khovel changkang semsem dinmun ah, Net zom leh zang tam semsem lai in, hichituka member a kiamhut tel, khanlam nawt zaw kihilou himhim ahi. Ngaihtuah tham ching khat ahihleh SSPPNet thak patzoh kha li nung, 2009 October kha tawpa, mimal in a pat, Facebook a 'Siamsinpawlpi' Group ah member 290 val phatou zou pah mawk zel hi. Hiailou, 2007 January a Orkut ah member 329 vel pha lai hi. Facebook leh Orkut memberte bel khangthak hitangpi ua, thukikupna bel SSPPNet banglouin vaang mahmah zel hi. Bangteng hileh, i Pawlpi toh kisai ah a neu alian kilunglut ahihdan chiangtakin alang hi.
Delhi a SSPPNet bildoh dan:
Kum 2008 bullam in, Delhi ah SSPPNet theikha vetlou (Table 1na en in)
mi 70% vel ana ki-om a, huaiteng lakah, numei 85% leh pasal 54 % vel
phazou hi. SSPPNet lampang ah, Delhi a numeite ahihleh pasalte toh teh
in kihel tawm mahmah chihna suak hi. Pasal teng lak ah leng SSPPNet sim
gige za lakah mi 5 lel pha uhi. Numei hi in pasal hitaleh, a tamzaw ten
Topic a lunglut teng kia uh sim lel uhi.
| Table 1na: 2008 Siamsin Directory Questionnaire ( |
||||||
| Q 34. Siamsinpawlpi (SSPP) Yahoo Groups na sim ngei hia? |
||||||
| A √ (tick) Teng Kia apan ahi |
Above 18 Years Old |
in per cent |
||||
| Pasal |
Numei |
Total |
% Pasal |
% Numei |
% Total |
|
| Simsuak vek phial |
9 |
4 |
13 |
4.95 |
2.26 |
3.62 |
| Topic Lunglut teng chouh sim |
69 |
22 |
91 |
37.91 |
12.43 |
25.35 |
| Simlou hilehle Subscribe |
5 |
1 |
6 |
2.75 |
0.56 |
1.67 |
| Theikha Vetlou |
99 |
150 |
249 |
54.40 |
84.75 |
69.36 |
| Total % Response (Tick) |
182 |
177 |
359 |
100 |
100 |
100.00 |
SSPPNet Masa a thukumtute kipatna leh kupzah:
Tuni tan in sing sawmnih leh khat val ding i SSPPNet tungtawn ah laikhak omta hi. SSPPNet masa ah, member tamzaw te dai dide uhi. May, June, July 2008 leh January 2009 sung kigawmin mi 129 ten a ngaihdan genkhia ua, a kigawm in SSPPNet zangte lak a 22 per cent vel ngaihdan khong phazou hi. Huai lakah akimkhat valzekte Delhi apan ngen hi ua, azom in Northeast, khopi dangte leh gamdang apan ahi uhi. Figure 1 (abem) pen ah kichiansem ding hi. Hiai teng lak ah, siamsinlai (students) te 8% kialel ten angaihdan uh kum uhi.
Hiai SSPPNet
Masa, a kha li sung apan a kisai khaklouhte khiitkhiat ahihnung in
laikhak 740 pha hi. Mimal a khakkhe tampen in hiai khali sung in mail 84
khakkhia hi. Huai banah, mail khak tam penpen mi 10na (top 10)
tante ngaihdan kikupte, akigawm in 46% vel phazou a, mi 20na tante
ngaihdan, a kigawm in 61% vel pha hi. SSPPNet member teng kigawm in, mi
za lakah 3.4 phette ngaihdan 61% pha zou dan ahi.
SSPPNet Thak a thukumtute kipatna leh kupzah
A kipatthak apat 17th December 2009 tan in SSPPNet thak ah 198 member hithakte apan mail hong lutte khiitkhiak ahihnungin 1014 mails vel pha hi. A khakkhe tampen 10 tan ten kigawm in 43% vel ngaihdan kum ua, 20 tante ngaihdan bel 65% pha zou hi. Member atawm hu in, SSPPNet Masa sangin mi 20 tan te ai-oh hoihzaw zek hi. SSPPNet member thak teng kigawm, mi za laka 10.1 te ngaihdan kupte, a kigawm in 65% pha chihna suak hi. A simtu, ngaikhetu or entu kia a pang hunkhop kiphalai dan suak hi.
A kipatthak apat 17th December 2009 tan in SSPPNet thak ah 198 member hithakte apan mail hong lutte khiitkhiak ahihnungin 1014 mails vel pha hi. A khakkhe tampen 10 tan ten kigawm in 43% vel ngaihdan kum ua, 20 tante ngaihdan bel 65% pha zou hi. Member atawm hu in, SSPPNet Masa sangin mi 20 tan te ai-oh hoihzaw zek hi. SSPPNet member thak teng kigawm, mi za laka 10.1 te ngaihdan kupte, a kigawm in 65% pha chihna suak hi. A simtu, ngaikhetu or entu kia a pang hunkhop kiphalai dan suak hi.
Awlmoh a,
mail khakkhe tampen 10na tan te Delhi apan hivek ua, 20na tan ah bel
sehnga-suah-sehkhat kia, Delhi a omloute ngaihdan suak nimnem zou hi.
Hiai 10na tan ah, a kimkhat SSPP Delhi vaipawlelte apan pawt hi, 20na
tan ah 40% phazou lai hi. SSPPNet Masa hi in a Thak pen ah hitaleh,
ngaihdan kumtute munkhat apan kikulh (concentrate) semsem ahihdan chiang
takin lang hi.
| Table 2na: Total Mail Send in SSPPNet till 17th December 2009 |
|||||||||||||
| Kum |
Jan |
Feb |
Mar |
Apr |
May |
Jun |
Jul |
Aug |
Sep |
Oct |
Nov |
Dec |
Yearly |
| 2001 |
47 |
120 |
116 |
127 |
155 |
179 |
107 |
117 |
129 |
171 |
1268 |
||
| 2002 |
117 |
197 |
154 |
133 |
190 |
145 |
140 |
129 |
183 |
143 |
174 |
153 |
1858 |
| 2003 |
124 |
132 |
154 |
155 |
150 |
188 |
182 |
112 |
111 |
144 |
137 |
95 |
1684 |
| 2004 |
97 |
121 |
92 |
114 |
141 |
118 |
179 |
189 |
215 |
165 |
171 |
141 |
1743 |
| 2005 |
172 |
173 |
218 |
227 |
256 |
218 |
204 |
234 |
206 |
108 |
123 |
237 |
2376 |
| 2006 |
275 |
184 |
316 |
232 |
231 |
191 |
286 |
246 |
249 |
252 |
329 |
267 |
3058 |
| 2007 |
181 |
179 |
298 |
389 |
274 |
207 |
201 |
218 |
353 |
369 |
467 |
264 |
3400 |
| 2008 |
331 |
287 |
244 |
184 |
232 |
147 |
349 |
264 |
356 |
258 |
254 |
241 |
3147 |
| 2009 |
175 |
342 |
316 |
280 |
180 |
152 |
156 |
165 |
105 |
284 |
403 |
171 |
2729 |
| 2009 1st |
175 |
342 |
316 |
280 |
180 |
89 |
1 |
1 |
1 |
16 |
1 |
1402 |
|
| 2009 2nd |
0 |
0 |
0 |
0 |
0 |
63 |
155 |
164 |
104 |
268 |
402 |
171 |
1329 |
| Monthly |
1530 |
1760 |
1954 |
1863 |
1644 |
1373 |
1713 |
1593 |
1700 |
1864 |
2287 |
1587 |
21263 |
| Source: www.groups.yahoo.com/siamsinpawlpi |
|||||||||||||
Table 2na leh
Figure 2na i etleh, SSPPNet in 2001 apan khanlam nawt hiaihiai in 2007
kum apelh in kikupna tawmlam nawtin huai paizia zuiding bang hi. 2007
kum pen Siamsinpawlpi Diamond Jubilee leng ahi a, net zang tamzaw omna
Delhi ah 2007 in Diafest, SIMAS leh SICFU chihte thupitak a zat a om
ziak a kikupna leng tam diak hi. 2009 ahihleh SSPPNet thak kipanpan
ahihhang in 2008 a member omzah toh buktuahin, houlimna paitam zaw chih
theih ding hi.
Figure 3na
leng lunglut huai mahmah hi. Kum thum paisa a, a kha a mail tungtawn a
kikupna in a tam hun leh tawm hun ana nei hi. A taangpi in January, May,
June, July, August, December kha te in kikupna tawm tangpi hi. November
kha sung bel i kamtam hunpen uh ahisek hi. Tunitan a, mail kikhakkhe
tampem, November 2007 kha hi a, a zom in 2009 November kha te hi a,
lungluthuai takin hiai kha te Diafest/SIMAS 2007 leh Tamchon Football
Trophy 2009 te ziak in kikupna nasa mahmah hi. 2009 February in Etlawm
Sakmin, EBC Centenary Hall lim, PTC Heutute, Laipau Kisinsakna chihte
houlimna dur mahmah hi. BPO leh Call Centre: i maban bing na dinguh a hi
zaw diam? leh ST Quota chih thupi zang in 2007 April kha in kikupna
nasatak mai leng ana om leuleu hi.
SSPPNet sutzop leh puahthakna pen ah member sehthum-suah-sehkhat kia in zomlai mahleh uh, Table 3na apan i etleh SSPPNet member hilailai te ding in niteng a i mail Inbox ah [SSPPNet] chih a kipan mail ana omzah kibang piansim veve hi. SSPPNet Masa apan SSPPNet Thak ah ngaihdan kikumkhia (a pawt lam) tamzah kidang tuanlou in om hi. Himahleh, ngaihdan kikumkhiate a ngaikhia, sim or entute (a tungna lam) nasatakin kiamhut ahihmanin, a ngaikhetu ding tawmzaw lam in kipai a, thuhoih kikup a omte kithehzak tawmsem ding ahihna ah, i Pawlpi group in kiamlam nawt chihna suak hi.
| Table 3na: SSPP Yahoo Groups Masa leh Thak tehkakna |
||
| SSPPNet Masa |
SSPPNet Thak |
|
| Subscribers/members |
589 |
198 |
| Days (ni sui hunsung) |
123 |
185 |
| Mails after Filtered |
740 |
1014 |
| Mails Per Day |
6.02 |
5.48 |
| Mails Per Month |
185 |
169 |
Siamsinlaite Phatuampih leh Hanthawmna Thukup Tawm:
Kumteng in, May, June and July khate India mun chih ah X, XII, Graduation etc. result suah hun leh admission tuamtuam delh a exam hunlai tak ahi gige hi. Siamsinte (students) vai atampen kha chi a telkhia in 2008 a May, June leh July khasung a SSPPNet a mail kikapkhete sui dia lak in om hi. Hiai khathum sung a, laigelh 589 lak ah apan hiai bang muhkhiat in om hi.
Kumteng in, May, June and July khate India mun chih ah X, XII, Graduation etc. result suah hun leh admission tuamtuam delh a exam hunlai tak ahi gige hi. Siamsinte (students) vai atampen kha chi a telkhia in 2008 a May, June leh July khasung a SSPPNet a mail kikapkhete sui dia lak in om hi. Hiai khathum sung a, laigelh 589 lak ah apan hiai bang muhkhiat in om hi.
| Table 4na: 2008 May, June & July kha a SSPPNet a Topic Kikup Tangpite |
|
| Popular Topics |
per cent in |
| Current Topic on Students |
|
| a. |
0.34 |
| b. Sepna Awng/Scholarship/Admission Notice |
1.53 |
| c. Admission Mu/Sepna Mu |
1.19 |
| d. Exam Results |
1.36 |
| Kaisang |
6.10 |
| Sangliana Attacked |
5.42 |
| SSC Exam Centre for CCPur |
5.25 |
| Lok Sabha Trust Vote |
4.92 |
| Siamsinlaite toh kisai (a+b+c+d) |
4.41 |
| Suunna |
4.41 |
| Football: Euro 2008 |
4.24 |
| 3.56 |
|
| Mautaam |
3.39 |
| 3.39 |
|
| Kiteng |
2.37 |
| 2.03 |
|
| Office Transfer at Tuibuang |
2.03 |
| Sixth Pay |
1.36 |
Hiai kha
sungin, Shillong Class X result leh Churachandpur a Class XII te hon
kikap khia in, Manipur Toppers rank tanpha leng a ki-om hi. Delhi
University registration a kithuahpihna ZSF Delhi Cell in theihsakna bawl
hi. Scholarship thu, sepna awng, sepna or admission mu leng om hi. Hiai
teng kigawm a, siamsinlaite lohchinna kipahpihthu, admission zongte
subject leh college kawkmuhna thute gawmkhawm in, SSPPNet a kikupna ten
siamsinlaite (students) hanthawnna tawm leh sinlai naupangte awlmoh taka
aphatuampih ding uh houlimna tawm mahmah ahihdan, Table 4na ah mutheih
din lang hi. Hiaite sangin, mimal khat kaisanna ahihkeileh politician
khat thu buaipih na i SSPPNet awlmoh pen suak mawk ahi. SSPPNet mah ah,
Khamthianmuang Tonsing in hichin ana chi hi "SSPPNet member khat bang
ahih lehzaw ana mukha dia, huchi ahih keipeuh mah leh bel
akipahpih/alungkimpih hileh athonte a Vokpi mai a Suangmantam tah/paih achih uh khah
. . ." chi in genkha mahmah ding hi. Huaibanah, houlimna khenkhatte
hoihthei mahmah, bohzui, sepsuah ahihkeileh mipi lakah thehzak tuak
tampi omsek mahleh, topic thak hong kipat toh kiton in huchia mangmai
ahidia aw chih di phial in om hi.
Mahni Kiphawklou:
2009 January kha in SSPP GHQ leh SSPP JHQ Delhi ah Presidential Election sai in om hi. SSPP GHQ ah mi thum candidate om hi. SSPP JHQ ah bel, nomination file omlouh hangin, a sapna bel om hi. Hiai khasung ah mail 150 apan Table 5na ah chiangtak in i Pawlpi a vaipaw lianpen ding teelna hun ah hoihsak zawk pen ahihkeileh hoihsaklouh dan thu kikupna pailou chih di tuk in om maimah mawk hi. Nam/gam masawn zaw ten vaipaw ding a teelding chiang ua, nouneel taka sui in ngaihdan houlim ekek sekte toh kigamla lai mahmah ihi uh chihna suak hi. SSPPNet a ngaihdan kikumte SSPP GHQ Election a vote nei (Life Memberte) leh SSPP JHQ Delhi member, SSPPNet simkha naichik a omten a phattuampih ding uh thu kikup pen a neih sangin, i ngaihdan hoih pipi ten a deng phaklouh phial dinga gamla tak ate aki-awlmoh zaw gige sek a, i thukup ten vailak zunthak a bat hun atam hi.
2009 January kha in SSPP GHQ leh SSPP JHQ Delhi ah Presidential Election sai in om hi. SSPP GHQ ah mi thum candidate om hi. SSPP JHQ ah bel, nomination file omlouh hangin, a sapna bel om hi. Hiai khasung ah mail 150 apan Table 5na ah chiangtak in i Pawlpi a vaipaw lianpen ding teelna hun ah hoihsak zawk pen ahihkeileh hoihsaklouh dan thu kikupna pailou chih di tuk in om maimah mawk hi. Nam/gam masawn zaw ten vaipaw ding a teelding chiang ua, nouneel taka sui in ngaihdan houlim ekek sekte toh kigamla lai mahmah ihi uh chihna suak hi. SSPPNet a ngaihdan kikumte SSPP GHQ Election a vote nei (Life Memberte) leh SSPP JHQ Delhi member, SSPPNet simkha naichik a omten a phattuampih ding uh thu kikup pen a neih sangin, i ngaihdan hoih pipi ten a deng phaklouh phial dinga gamla tak ate aki-awlmoh zaw gige sek a, i thukup ten vailak zunthak a bat hun atam hi.
| Table 5na: 2009 January a SSPPNet a Topic Kikup Tangpite (per cent in 150 mails) |
|
| Singngat Tui Haksa |
17.33 |
| EBC Centenary |
11.33 |
| Sepna Mu |
6.00 |
| SSPP JHQ |
5.33 |
| Misi Suunna |
4.00 |
| SSPP GHQ Election |
0.67 |
| 0.67 |
|
Hiai teng kia
hilou in, SSPPNet Thak pen ah a kumtu tamzaw leh a thupi tampite Delhi
vai ahih hangin, Table 6na ah, i Pawlpi malakna a vaaisaite toh kisaite,
adangte toh teh di'n, kikupna tawm mahmah sek in om hi. Tunai zek a,
Delhi a RN Tamchon Football Trophy (Tamchon) ah kikupna mail 250
phaphial in, SSPPNet a topic khat a houlimna tampen hilai ding hi. Hiai
hunsung mah in, Siamsinpawlpi malakna a vaisaite a houlimna kigawm teng
inle phadek nenglou dan ahi. Banah, Tamchon toh kisai ah Delhi a Pawlpi
milip hiin vaipawte apan report piana laigelh hoih pipi hongpawt
zungzung hangin, Delhi a om SSPP mi-leh-sa, aneu-alian, kuapeuh phial
kihelna 'Sports Meet' toh kisai ah bel report khat bek hong omlou
thethup thei zel hi. Hiai hunsung mah in, SSPP HQ Aizawl Presidential
election om mahleh, a result hong kikhah khia chihlouh hiaithu ah
houlimna bangmah ombeh lou chih ding in om hi.
| Table 6na: SSPPNet Thak a Topic Kikup Tangpite (per cent in 1014 mails) |
|
| Football: 3rd RN Tamchon Trophy |
24.36 |
| SSPP Anthem |
3.85 |
| Buaina Vengta |
2.66 |
| Khuado Pawi: |
1.08 |
| SSPP Vaisaite: |
|
| Siamsin Freshers Welcome: |
1.68 |
| 29th Siamsin Annual Conference: |
0.79 |
| Siamsin Annual Sports Meet: |
0.69 |
| Siamsin Labu 2nd Edition |
0.20 |
| Siamsin Documentary |
0.20 |
| SSPP HQ Aizawl: Election |
0.20 |
I SSPPNet net
in a awlmoh leh lunglutnate ahihleh 'mahni innsung a nasep toh kisai
genkhawm a houlim sangin, pawlam thilte awlmoh khengval' dan in alang
hi. Ahihkeileh, SSPPNet in 'inngua limsaklou a gamgua buaipih zaw' chih
theih din om hi. "Nidang in zingkal teng in papi hon singpi dawr (Hotel)
ah news paper sim kawm in aki hou lim zel uhi. Houlim te uh tui thei
mah2 a hun awl zat na hoihtak khat suak hi. Khen khat houh zi-le-ta
enkai manlou a Hotel a tu den bangle om. SSPPnet ah thu hoih pipi igen
uh a himah leh Hotel a papi hon kihou lim mah ibat khak uh lauh huai
kasa. Can't we go a little beyond that???.." - Lian Jacob, in SSPPNet
ah, i group houlim uh paidan, etsakna kituaktak toh ana teh a, maban a
kalsuan beh ding bel tampi omlai tham hi.
SSPPNet a suina a Muhkhiat leh Kawkmuhna:
SSPPNet ah tua sanga panlakbeh theih ding omlai tham ahihdan i mail khak khiakte uapan, thukup leh lunglutnate uh paizia suina apan hiai nuai abang tamlou muhkhiat leh kawkmuh theih omte hiai bang ahi.
1. Internet zangkhate tungtawn ah leng, Siamsinpawlpi ah mi lunglut mahmah uh ahihdan, Siamsinpawlpi mina group tuamtuam kibawlte apan mukhiat in om hi.
2. Pasalte sang in Numei ten SSPPNet ngaihsaklou zaw tham uhi. Huaiziak, tulai sepna leh innmun tan ah leng Net khoihthei/nei tampi omta, numei laisiam leh khotang awlmoh tamtak omte poimohna leh ngaihdan laklut theihna ding kong za sem honsak dia panlak ding hi.
3. SSPPNet ah siamsinlaite vai tawm leh a hamphatpih ding uh kikupna tawm hi. Tua sanga awlmoh sem a, amau ngim bawla lamhilhna, pahtakna leh hanthawnna thukupnate tamsem poimoh hi.
4. Thu kikup leh houlimna khenkhat mimal nih houlimna leh kikouna tampi omkha sekte moderatorte a dingin thupuk haksa tampi om ding hi. SSPPNet forum zang siamzou taktak nailou deuh chihthei ding thukup a om hun a om a, pilvang tuak leh khantouh vai deuh a thukup dan ziltuak tampi omlai hi.
5. Topic hoih pipite vailak zunthak mah bangin mang/bei maimah zel hi. Huaiziak, moderator(s) in 'current issue/topic' debate leh kikup tuak omte pawkhia, khak (closed) leh latom a internet khoihlou, i mi leh sa omte phattuampih theih chiat dingte printed mediate zanga, suahkhiatna panlak hileh, SSPPNet a kikupna ten a dengkhak tamsem ding hi.
6. SSPP Joint Headquarters Delhi etkaina nuai ah, GHQ/HQ-Aizawl/JHQ-Shillong te ah Moderator khat chiat bek omthei henla, huai munte apan issue/topic poimohtak omte hong pankhe zel le uh. Huaibanah, siamsinte tamna education institutionte pansan (based) in DU, IITs, IIMs, JMI, JNU, MU, NERIST, NEHU, RIMS etc. a siamsinlai (student) khatchiat bek 'sub-moderator' i chihiam in mohpuakna pechiatle. Hiaiten, SSPPNet a thukumtute munkhat apan kikulhna (concentrate) hon thehzak dinga, mundang apan leh siamsinlaite phatuampih ding ngaihdan leh thuhoih tampi honglut beh lai ding hi.
7. I Pawlpi vai leh Pawlpi Heutute'n, mipite ading thukin leh kizaksak tuakte, i Pawlpi vanzat siamsinpawlpi.org, SSPPNet or newsletters etc. tungtawn in thehzak masak pen hithei zelzel in, Pawlpi vanneihte a zatna leh poimohna liansem ding hi.
SSPPNet ah tua sanga panlakbeh theih ding omlai tham ahihdan i mail khak khiakte uapan, thukup leh lunglutnate uh paizia suina apan hiai nuai abang tamlou muhkhiat leh kawkmuh theih omte hiai bang ahi.
1. Internet zangkhate tungtawn ah leng, Siamsinpawlpi ah mi lunglut mahmah uh ahihdan, Siamsinpawlpi mina group tuamtuam kibawlte apan mukhiat in om hi.
2. Pasalte sang in Numei ten SSPPNet ngaihsaklou zaw tham uhi. Huaiziak, tulai sepna leh innmun tan ah leng Net khoihthei/nei tampi omta, numei laisiam leh khotang awlmoh tamtak omte poimohna leh ngaihdan laklut theihna ding kong za sem honsak dia panlak ding hi.
3. SSPPNet ah siamsinlaite vai tawm leh a hamphatpih ding uh kikupna tawm hi. Tua sanga awlmoh sem a, amau ngim bawla lamhilhna, pahtakna leh hanthawnna thukupnate tamsem poimoh hi.
4. Thu kikup leh houlimna khenkhat mimal nih houlimna leh kikouna tampi omkha sekte moderatorte a dingin thupuk haksa tampi om ding hi. SSPPNet forum zang siamzou taktak nailou deuh chihthei ding thukup a om hun a om a, pilvang tuak leh khantouh vai deuh a thukup dan ziltuak tampi omlai hi.
5. Topic hoih pipite vailak zunthak mah bangin mang/bei maimah zel hi. Huaiziak, moderator(s) in 'current issue/topic' debate leh kikup tuak omte pawkhia, khak (closed) leh latom a internet khoihlou, i mi leh sa omte phattuampih theih chiat dingte printed mediate zanga, suahkhiatna panlak hileh, SSPPNet a kikupna ten a dengkhak tamsem ding hi.
6. SSPP Joint Headquarters Delhi etkaina nuai ah, GHQ/HQ-Aizawl/JHQ-Shillong te ah Moderator khat chiat bek omthei henla, huai munte apan issue/topic poimohtak omte hong pankhe zel le uh. Huaibanah, siamsinte tamna education institutionte pansan (based) in DU, IITs, IIMs, JMI, JNU, MU, NERIST, NEHU, RIMS etc. a siamsinlai (student) khatchiat bek 'sub-moderator' i chihiam in mohpuakna pechiatle. Hiaiten, SSPPNet a thukumtute munkhat apan kikulhna (concentrate) hon thehzak dinga, mundang apan leh siamsinlaite phatuampih ding ngaihdan leh thuhoih tampi honglut beh lai ding hi.
7. I Pawlpi vai leh Pawlpi Heutute'n, mipite ading thukin leh kizaksak tuakte, i Pawlpi vanzat siamsinpawlpi.org, SSPPNet or newsletters etc. tungtawn in thehzak masak pen hithei zelzel in, Pawlpi vanneihte a zatna leh poimohna liansem ding hi.
Internet toh kisai in Maban ah Panlakna ngai:
Hichibang kalah, Pawlpi mi mah in apat website tuamtuamte ah leng kikupna hoihpipi leng ana pai tou zelzel hi. Hiaite ah leng i Pawlpi thu thuk taktak houlimna leng ana om tham hi. Pawlpi'n website poimoh chi lengla neita, a mi kibang ngen i hihna ah www.siamsinpawlpi.org leng puahphat a tuabang houlimna omthei tham ding hi. Himahleh, i thu kikupna bangin, i Pawlpi malakna thilte awlmohna leh veina taktak atawm ziak hiam? va chih hial ding lah, "Siamsinpawlpi it nawn lou or it zounawn lou or siamsin nawn lou chih lam lam le hi din ka um kei hi. Paite milip (chibik le)kuapeuh mah SSPP chihkhawng angaina lou leh akinei tusak lou a om kei ding hi, phaizang le singtang tawng tan in" K Ginkhanthang in a chih dinmun a kikoih vek zel ding i hi chiat uhi.
Tuabang a Pawlpi it chiatchiat in, mimal in group/website a patte uh khang hulhul a, Pawlpi website bang muih dekdek leh bangziaka SSPPNet in kiamlam nawt ahidiam maw? chihte aziak hoihtaka sui a vel thaktuak ahihdan, Pawlpi mohpuak lianpi leh nasataka i ngaihtuah thak ding uh om hi. I Pawlpi neih SSPPNet/website chihte mipi teel, heututen muangtaka a seh enkaitu nei, pichingtak leh min kichiantak neia houlimna leh Pawlpi vai thukin kizaksakna ahi. Huai banah, mipi khut ah kinga Pawlpi etkol ahihna leh mimal etkaite toh kituam ahihdan leh a kibatlouhna theihkak ngeingei ding ahi. Huaiziakin, maban a internet toh kisai ah mimal etkolte leng khang hulhul dinmuna a om theih laiin, i SSPPNet hiin Pawlpi website hitaleh, i puah leh etkai ding maban a i maituah leh nasataka kisakthak ngai ding om hi. Siamsinpawlpi takheh!
Hichibang kalah, Pawlpi mi mah in apat website tuamtuamte ah leng kikupna hoihpipi leng ana pai tou zelzel hi. Hiaite ah leng i Pawlpi thu thuk taktak houlimna leng ana om tham hi. Pawlpi'n website poimoh chi lengla neita, a mi kibang ngen i hihna ah www.siamsinpawlpi.org leng puahphat a tuabang houlimna omthei tham ding hi. Himahleh, i thu kikupna bangin, i Pawlpi malakna thilte awlmohna leh veina taktak atawm ziak hiam? va chih hial ding lah, "Siamsinpawlpi it nawn lou or it zounawn lou or siamsin nawn lou chih lam lam le hi din ka um kei hi. Paite milip (chibik le)kuapeuh mah SSPP chihkhawng angaina lou leh akinei tusak lou a om kei ding hi, phaizang le singtang tawng tan in" K Ginkhanthang in a chih dinmun a kikoih vek zel ding i hi chiat uhi.
Tuabang a Pawlpi it chiatchiat in, mimal in group/website a patte uh khang hulhul a, Pawlpi website bang muih dekdek leh bangziaka SSPPNet in kiamlam nawt ahidiam maw? chihte aziak hoihtaka sui a vel thaktuak ahihdan, Pawlpi mohpuak lianpi leh nasataka i ngaihtuah thak ding uh om hi. I Pawlpi neih SSPPNet/website chihte mipi teel, heututen muangtaka a seh enkaitu nei, pichingtak leh min kichiantak neia houlimna leh Pawlpi vai thukin kizaksakna ahi. Huai banah, mipi khut ah kinga Pawlpi etkol ahihna leh mimal etkaite toh kituam ahihdan leh a kibatlouhna theihkak ngeingei ding ahi. Huaiziakin, maban a internet toh kisai ah mimal etkolte leng khang hulhul dinmuna a om theih laiin, i SSPPNet hiin Pawlpi website hitaleh, i puah leh etkai ding maban a i maituah leh nasataka kisakthak ngai ding om hi. Siamsinpawlpi takheh!
[Hiai
laigelhna adia kal honna suanpih, Paukhenkhup Guite, Siamsin Directory
2008 tungtawn in – Paulalsiam Guite-Editor leh Zone tuamtuam Enkaitute
viz. Ginzasang, Goulal, Hangminlun, Hauchinthang, Hauginlian,
Jamthianlal, Langkhankhup, Pauminlian, Paumuanlal, Rousiamlian, Samuel,
Songmuanlian, Sonmung, Summuanthang, Thanglianlal, Thuamkhanmang, &
Vunghbiakmuan, te tungah kipahthu ka gen hi- Laigelhtu]
[Hiai laigelh "Our Challenge. Our Future" kichi Siamsinpawlpi Annual Magazine Vol.XLV (45) & XLVI (46), SIAMSINPAWLPI General HQ Magazine, 2010 ah kisuah masa ahi]
No comments:
Post a Comment