ZOGAM.COM Mothers's Day Special | Ka Leen Masakna Pen
Pathian vualzawlna tampite ziak in aloutheilou in Good Friday ni April 6, 2012 ni in ka Zi Ningngaihlun inlam a nau nei ding kha a Delhi apan Imphal tan Air India lenna a ka tuan tuh lenna a 'Ka Leen Masakna Pen' hipan dan ahi.
Delhi leh Lamka zintuah mun pawl hikha din ka kikoih na a, hiai a Sintawpni Hoih ma teng, lenna ka na tuangkha ngei kei himhim hi. Aziak ding tampite lak a, ka ngaihdan khat om liuliau bel ka NU lenna a a leen ma, kei lenglou ding, chih ahi. Ka NU piakkik ding neilou ka hihman, ka ITNA, a gen/gelh kia hilou a, a tak a ka lah theihna chikhat in ka na ngai hi.
Nikum 2011 September kha ah hun lemtang zong in, Delhi ah ka Nu zin ding ka lem gel uhi. Sept 28 a UPSC interview ka neih ziak in, Sept 29 ni a din a lenna ticket ding la in huai ni in ka Nu chu lenna in ahong leng kha ta ngei hi.
Tun chu, kei le lenna tuang theihta ding chih teng kia a lungnuam tak a ka om lai in, October ni 4 in UPSC apan laithon, dated Sept 30 a, tua ka sepna (a ding) 'recommendation' lai hong tung mawk hi.
Ka NU lenna tuan di ka ngak, ahong tuanni ani nawn a kei lenna tuantheihna ding Gazetted post sepna 'lenna entitle', lehkha solkal ten ana nam kip maimah uhi. Hiai lai ka muh in, sepna muh pen mak kasak sang in, ngaihdan khat ka na paipih pen, Pathian in ka lamet vala vualzawlna tampi toh hong tangtung sak maimah ahi, chin lamdang ka sa sawnsawn a, TOUPA ka Phat hi!
Hichibang ka thiltuah apan gending tampi nei mahleng, huaite lak ah ka gen ut pen bel, i Pianna NU leh PA te ahihleh PATHIAN apan VUALZAWLNA NAK ana hi taktak na uh ahi, chih ahi. Khenkhat adin kituakkhalem chihtheih mahleh, kei adin bel PATHIAN apan thillamdang chetna kichiantak tuak hi a ka
kikoih tinten ziak in, hiai thu genkhelou theilou ka hi.
Nu/Pa dampih neilaite hampha kisa ni in, amau a ding thuhoih leh thilhoih a tamthei lamlam gen in hihding in kisa ni. I hihtheih tawk in lungkimsak peuh le, a sepzoh nawnlouh ua donngai a a hong om hun chiang un leng, a lungsim ua deihsakna taktak toh tunga PA kiang ah a vualzawlna honna ngetsak lai
ding uhi. Huai mah ahi amaute apan kenle ka LAMET lianpen.
Damleh, NU itna thu genzel suutzel lai ding ka hi.
NU hoihtak apan ka piankhiat hampha kisa in TOUPA ka Phat hi.
"ANEM HIAUHIAUTE V | Ka Sen Tun leh Zua Aw" chi a Collection ka bawlte apan la khat hoih ka sak mahmah kon taklang ding.
Lateel: Tunnu Aw - Thawnkham | Itna Ngaihna Late
Theibang senlai in mimbang pianna Tunnu
Vailou kuan in nisa khasa nuai ah
Khua a ul, tuibang luang gilkial dangtak in
Chintui guhkang in nna sem maw
Nat leh sat thuak in hatsatna thuak zong
Zatui zaha sum leh pai zang ngamlou
A lim a al zong chiam ngam dawn ngamlou
Huisa zong thumlou maw Tun aw
Tun aw tangbang dam hambang hon huai lai in
Laizom sanggah lungmawl te lambang hong pi lai in
Sian in siam henla, khan kumkhua sawt hen
Tun aw hong it ka Tun aw, NU...
Tuk leh khal omlou, guahnuai dainuai ah
Asuk atou a loukuan singpua in
Nong kep nong vakna, Tun aw nong itna
Pham zong in lungin ngilkei ning
Tun aw lunglau ken, meigong na hih zong
Na tun na tate toh saumang lim ah
Lungsim tawlnga in pumpi tawlnga in
Hemlam luankhi theusak aw, Tun aw
Tun aw lunglau ken
Na Von nih thumte
Gual toh tanbang kimta ung
Lailung muang in aw Tun aw
Sian in siam henla, khan kumkhua sawt hen
Tun aw hong it ka Tun aw, NU...
________
Mother's Day May 12, 2012 | minsangguite@gmail.com
http://www.zogam.com/articles/articles-i/general-articles/471-mothers-s-day-special-ka-leen-masakna-pen.html
Pathian vualzawlna tampite ziak in aloutheilou in Good Friday ni April 6, 2012 ni in ka Zi Ningngaihlun inlam a nau nei ding kha a Delhi apan Imphal tan Air India lenna a ka tuan tuh lenna a 'Ka Leen Masakna Pen' hipan dan ahi.
Delhi leh Lamka zintuah mun pawl hikha din ka kikoih na a, hiai a Sintawpni Hoih ma teng, lenna ka na tuangkha ngei kei himhim hi. Aziak ding tampite lak a, ka ngaihdan khat om liuliau bel ka NU lenna a a leen ma, kei lenglou ding, chih ahi. Ka NU piakkik ding neilou ka hihman, ka ITNA, a gen/gelh kia hilou a, a tak a ka lah theihna chikhat in ka na ngai hi.
Nikum 2011 September kha ah hun lemtang zong in, Delhi ah ka Nu zin ding ka lem gel uhi. Sept 28 a UPSC interview ka neih ziak in, Sept 29 ni a din a lenna ticket ding la in huai ni in ka Nu chu lenna in ahong leng kha ta ngei hi.
Tun chu, kei le lenna tuang theihta ding chih teng kia a lungnuam tak a ka om lai in, October ni 4 in UPSC apan laithon, dated Sept 30 a, tua ka sepna (a ding) 'recommendation' lai hong tung mawk hi.
Ka NU lenna tuan di ka ngak, ahong tuanni ani nawn a kei lenna tuantheihna ding Gazetted post sepna 'lenna entitle', lehkha solkal ten ana nam kip maimah uhi. Hiai lai ka muh in, sepna muh pen mak kasak sang in, ngaihdan khat ka na paipih pen, Pathian in ka lamet vala vualzawlna tampi toh hong tangtung sak maimah ahi, chin lamdang ka sa sawnsawn a, TOUPA ka Phat hi!
Hichibang ka thiltuah apan gending tampi nei mahleng, huaite lak ah ka gen ut pen bel, i Pianna NU leh PA te ahihleh PATHIAN apan VUALZAWLNA NAK ana hi taktak na uh ahi, chih ahi. Khenkhat adin kituakkhalem chihtheih mahleh, kei adin bel PATHIAN apan thillamdang chetna kichiantak tuak hi a ka
kikoih tinten ziak in, hiai thu genkhelou theilou ka hi.
Nu/Pa dampih neilaite hampha kisa ni in, amau a ding thuhoih leh thilhoih a tamthei lamlam gen in hihding in kisa ni. I hihtheih tawk in lungkimsak peuh le, a sepzoh nawnlouh ua donngai a a hong om hun chiang un leng, a lungsim ua deihsakna taktak toh tunga PA kiang ah a vualzawlna honna ngetsak lai
ding uhi. Huai mah ahi amaute apan kenle ka LAMET lianpen.
Damleh, NU itna thu genzel suutzel lai ding ka hi.
NU hoihtak apan ka piankhiat hampha kisa in TOUPA ka Phat hi.
"ANEM HIAUHIAUTE V | Ka Sen Tun leh Zua Aw" chi a Collection ka bawlte apan la khat hoih ka sak mahmah kon taklang ding.
Lateel: Tunnu Aw - Thawnkham | Itna Ngaihna Late
Theibang senlai in mimbang pianna Tunnu
Vailou kuan in nisa khasa nuai ah
Khua a ul, tuibang luang gilkial dangtak in
Chintui guhkang in nna sem maw
Nat leh sat thuak in hatsatna thuak zong
Zatui zaha sum leh pai zang ngamlou
A lim a al zong chiam ngam dawn ngamlou
Huisa zong thumlou maw Tun aw
Tun aw tangbang dam hambang hon huai lai in
Laizom sanggah lungmawl te lambang hong pi lai in
Sian in siam henla, khan kumkhua sawt hen
Tun aw hong it ka Tun aw, NU...
Tuk leh khal omlou, guahnuai dainuai ah
Asuk atou a loukuan singpua in
Nong kep nong vakna, Tun aw nong itna
Pham zong in lungin ngilkei ning
Tun aw lunglau ken, meigong na hih zong
Na tun na tate toh saumang lim ah
Lungsim tawlnga in pumpi tawlnga in
Hemlam luankhi theusak aw, Tun aw
Tun aw lunglau ken
Na Von nih thumte
Gual toh tanbang kimta ung
Lailung muang in aw Tun aw
Sian in siam henla, khan kumkhua sawt hen
Tun aw hong it ka Tun aw, NU...
________
Mother's Day May 12, 2012 | minsangguite@gmail.com
http://www.zogam.com/articles/articles-i/general-articles/471-mothers-s-day-special-ka-leen-masakna-pen.html
No comments:
Post a Comment